محمد رمضان يكتب : أنا ليه مش عارف أكون واضح وياك

أنا ليه مش عارف أكون واضح وياك وخلاص
إيه اللي مانعني أقولهالك ..
معقول ده كلام ينفع فيه كسوف
العِشره لابد تكون مبنيه على المعروف
ويا تقبلني .. وأقبل أنا بيك
يانشوف حالنا ..
الخوف أحيانا بيموِّت وساعات بيبدل أحوالنا
وإذا كان مكتوب لينا نفارق
يبقى الأفضل نختار دلوقت ..
مش لازم نضحك على روحنا
وجراح
ووداع
ونضيّع وقت ..

إحنا كبرنا على دور بايخ وعتاب كداب
لو كان ينفع تاني أسامحك
كنت سامحتك
وبدون أسباب
إنما صدقيني المره دي
أنا زعلى ماهوش أبدا منك ..
أنا زعلي عشان كنت ضعيف
وإديتك أكبر من حجمك
ورضيت بالعيشه معاكي خايف
على حب زمان

طبعا ندمان إني آمنتك
حبيتك
ورسمت ملامحك
ووهبتك عمري بدون داعي ..
خبيت عنك ظني وشكي
وانت بتحلالك أوجاعي ..
وتقولي للناس عني حكايه
واني مهما هبعد عنك .. أنتي هاستنيني

أنا آسف إتأخرت ف ردي
مش عايز أكمل عمري معاكي